Thai-ah Party hrang hrang sorkarna chan tumin inthlanpui turah an tul laiin Myanmar mi te ngaihsak a la hlawh rih loh thu hriat a ni a. Sorkar thar a nih velah hma laka bawh zui thuai an beisei a ni.
May thla chhunga inthlang tur Thai-ah hian Party hrang hrang ten sorkar thar beiseiin hma an la mek a. A ram thenawm Myanmar mi te lam an hawi hman rih lova. Myanmar mi ten Democracy kawng zawha an beihnaah mi a maktaduai tel Thai-ah pem hnathawkin an awm nual a. Heng bakah Myanmar ramri-a raltlan tam tak te inthlanpui tur avangin ngaihsak hman an la nih loh thu Thai-Myanmar tangrual pawl TACDB Director U Myniy Way chuan heti hian a sawi.
“Tuna Prime Minister hi Party dangah a insawn a. A insawn tak avangin Pheu Thai Oarty chak dawn nge, PM leh Party dang te an chak dawn hriat a la ni lova, mipui vote-in a fiahtir dawn a ni. Rin dan chuan Billion 2 awmna mipui te hian hlawh chungchang leh kum upate insurance an puihna thu kan hmu a, Sorkarna siam tur te hian ram chhung harsatna ching fel thei se. Entirnan, Malaysia PM leh foreign minister leh Indonesia ten strong an tih policy an duang a, hetiang hian Foreign minister dang ten an hna chelh kan la hmu ngai lo. Heng avangin Myanmar hnathawk mi tan eng tin nge hma an lak dawn tih a sawi nawn tawh loh avangin ngaih a tha lo hle” tiin a sawi a ni.
Heti hian sawi mah se, sorkarna siam Party ten thuneihna an lak hnuah dan pangngai takin Myanmar mi te chungchangah hma an lak zel kan ring a ni tiin a sawi tel bawk a ni.
“Rin lawk a harsa khawp mai. Eng Party nge sorkar dawn kan hre si lova, rampum mipui vote atangin a hriat theih mai dawn a. Minister te rorel danah a innghat ang a, eng ang dinhmun nge kan tawn dawn hriat theih a ni lova, theih tawpa an chhuah ngei kan beisei” tiin a sawi zui bawk a ni.
Tun dinhmunah hian Primne Minister Prayut Chan-ocha greet khaihhruai United Thai Nation Party leh Prime Minister hlui Theksin-a fanu Paetongtran khaihhruai Pheu Thai Party pahnih te an inep mek thu hriat a ni.
“Thai hian dik tak chuan sipai sorkarna an duh a; mah se, politic-ah chuan sipai thuneihna an duh hran lo. Chuvangin Thai hian Democracy kawng zawh an duh hle avangin Prime Minister paihthlak an duh a, thalai tam zawkin an thlawp bawk sia, sawi thiam har tak a ni”.
Thai sorkar thar turah hian Myanmar tan ham thatna tam tak leh inpuih tawnna a awm zel an beisei hle a ni.
