Thailand, Ramong District Immigration office-ah, a thla tela an hren Myanmar mi 670 chuang February 2 khan Myanmar, Kawthoung (Kawh Tawng) khawpuiah an thawn kir thu Ranong information pawl ten an thuchhuahah an tarlang.
Mipa 54 leh hmeichhia 138 an vaiin mi 678 Kawthoung khawpuiah an thawn thleng tawh a, an awmnaa awm leh turin an ngen thu Kawthoung khawpuia Sweanawa (Sui A Na Wa) tlawmngai pawlte hnen atanga hriat a ni.
Myanmar mi te Kawthoung khawpuia thuneitu ten Boat 4-in an hruai haw thu Ranong information pawl ten an thuchhuahah an tarlang.
Heng Myanmar mi te hi Thai-ah kawng hrang hrangin an hrem a, an chhuah hunah Myanmar-a haw tura an tih laiin Ranong Immigration office-ah an khung rih thu hriat a ni.
Heng mi te hi Myanmar lam chuan mihring an bithliah avang te, Thai lam ten sum pe thinte an duhsaka an thawn thin avang te leh Myanmar lamin hremna hmun (Detention center)-ah thla 7,8 thleng an hren thin thu hriat a ni.
An hrena te hi room zing te, thawt deuh a ni a, ei in puar khawp an hmuh loh avang te, hriselna that tawk loh vang te leh damdawi in enkawl that tawk loh avangin human right an pal zut a; chuvangin Janaury 28,29 khan chaw ngheiin kawng zawh an tum a.
Hemi chungchangah hian Myanmar Embassy ten an sawipui a, February 2-ah thu kan rawn hriattir leh ang che u an tih vangin kawngzawh an thulh ta a ni.
