Bago region, ThanTaPin towhsip, YaYetGyi khuaa innghat, No. 73 Khah Lah Yah (IB) Battalion-ten hmeichhe sipaite training an neih laiin ralthuam lian an kah chhuah avangin a kap chhuaktu hmeichhia Tin Tin Ma telin Military council sipai officer leh mi dang sipai an thih nual thu hriat a ni a.
Military council sipaiten Battalion hrang hranga sipai, hmeichhia telin ralthuam lian kah dan leh duty dan bakah ralrelh dan an zirtir a. Hetia an zir lai hian June 8, chawhnu khan YaYetGyi khua No.73 Khah Mah Yah (IB) Battalion atangin Tin Tin Maw chuan 81MM-in PDF-te awmna nia an rinna hmunah a bomb a, he bomb-naah Military council sipai officer telin Military council sipai 40 chuang thi leh hliam an awm thu hriat a ni a.
“Sipai nupui Tin Tin Maw chuan 81MM-in a khaw chhehvel PDF awmna nia an rinna hmunah zan tin an kap thin a, tum khat a silai mu a tlawlhna lamah, ka chhawn hman lovin amah leh officer an thi nghal a; Military council sipai 40 vel an ni mai thei. Thi ta Tin Tin Maw hi Battalion-a hmeichhe ralthuam kah dan zirtirtu a ni a, a kah chhuahnaah a thi nghal” tiin a hre chiangtuten an sawi a.
Hetia Military council sipaite an thih chungchangah Military council sipaiten an thup tlat a, an thinna hmun, ThanTaPin township leh YaYet khuaa miten chanchin hrang hrangah an tar lan thu hriat a ni bawk.
“Heng thi ta te hi TaPyi khuaa Lance Corporal Kyaw Oo, Kyitaw khuaa Tin Tin Maw leh Kyitaw khua leh a chhehvela Military council sipaite an ni” tia chanchin hriat a ni a.
Khah Lah Yah 73 atanga bomb tlak avanga hliam tuarte chu Damdawi inah enkawl mek an ni a, hliam na tak tak te an awm nual thu hriat a ni bawk.
