Chin state Thantlang-ah May ni 23 khan military council sipaite leh CDF-Thantlang pawlte inkarah khaw chhunga inkahna a chhuak leh a, sipai 6 thiin, 8 an hliam thu hriat a ni.
Military council sipaite chu zing lam dar 6 vel atangin Tahantlang khaw chhung veng no. 1 lamah opration an nei a, CDF-Thantlang pawl nen chawhnu lam dar 2 pelh velah inhmachhawna an inkah tak vak thu CDF-Thantlang chuan thuchhuah a siam.
Chu inkahnaah chuan military council sipai 6 an thi a, sipai dang 8 an hliam bawk a, CDF-Thantlang pawla sipai 4 chu ngaihtuah awm lovin an hliam ve bawk thu hriat a ni.
Military council lamin operation an neihna Thantlang khaw chhung veng no. 1 chu chenna in kan lohna lam a ni a, mahse sipaihovin mei an hal leh avangina chenna in tam tak a kan chhiat leh thu hriat a ni a. Chenng in engzat chiah nge kang chhia tih erawh hriat theih a la ni lo.
Military council sipaiten Thantlang khua chu nikum 2021 September thla atanga May ni 23 thleng a tlem berah vawi 28 an hal tawh a, Thantlang khaw chhunga biak in 8 telin chenna in sang chuang an hal chhe vek tawh a.
Thantlang khuaah chuan chenna in 2000 chuang awmin, mipui sing khat vel an awm thin a, tunah chuan military council sipaiho beihna leh chhenna in hal chhiat avangin, tualchhung mi zawng zawng chu ramri leh Mizoram state lamah an raltlan vek a ni.
