Kum 2022 December 29 atang khan Thantlang khuaa Telim Operation an beihnaah Military council sipai 20 an thi a, mi 6 an man bakah silai 50 an laksak thu CDF-Thantlang ten an thuchhuahah an tarlang a ni.
Military council sipaite awm hmun khuarna camp-a In 7 leh Helicopter 2 an kah hliam nual thu an thuchhuahah an tarlang bawk a ni.
Military council sipai 50 rual awmna Thantlang khuaa an camp pawh CNA leh CDF battalion ten an laksak tawh bawk a ni.
Military council sipai ten chung lam Thlawhna atangin vawi 95 an kap a, ni 60 chhungin Telim Operation-naah CDF sipai 4 leh CNA sipai 2, ram tan an nunna an hlan thu an tarlang bawk a ni.
Thantlang township-ah Military council sipai ten chung lam atanga an beih chhunzawm zel avangin boruak a la tang hle a. Tualchhung mipuite veivah chungchangah fimkhur zual turin CDF-Thantlang ten hriattirna a chhuah a ni.
