28th Marc
Sagaing region, Tamu township Kun Taung khua, March 25 khan Military council sipai ten a khawpumin an hal deuh vek thu tualchhung mi te hnen atanga hriat a ni.
Tamu khua atanga mel 6 vela hla Kun Taung khuathar tia hriat lar Chin khua In 29 awmna chu March 25 khan Military council sipai ten a khawpum deuh thaw chenna in 24 an hal chhiat vek thu Kun Taung khawthara tualchhung mi pakhat chuan a sawi a ni.
“Thlan tui nen, hah taka kan thawh chhuaha kan sak, kan in neihchhun Military council sipai ten min hal chhiatsak vek hi chu rilru a na a, kan lung a chhe hlawm khawp mai. Chhungkaw dang te phei chu an rilru nain an tap an tap mai a ni” tiin kangmei tuar chhungkaw zinga in neitu pakhat chuan a sawi a ni.
Kun Taung khawtharah hian March 23 pawh khan Military council sipaite leh PDF-Tamu te an inkap chiam tawh a. He inkahnaah hian Military council sipai lam thi leh hliam an awm nual avangin Military council sipai ten chung lam Thlawhna atangin an beih nawn thu hriat a ni bawk.
Kun Taung khawthar an beih lai hian tualchhung mipui te India lamah an tlanchhe vek a, Military council sipai ten khawchhung an laksak thu hriat a ni.
h 2023
