Chin National Front (CNF) Information In-charge, spokesperson Salai Thetni chuan heti hian Min Aung Hlaia “Caretaker Government” chungchanga a sawi.
“Tun hma thil lo tih tawh dan angin an kri leh a, military council atangin Caretaker government tiin inthlak dang lam mah se, engmah danglamna tak tak a awm chuang lovang. A nihna takah chuan military council, caretaker government tih hi a inang reng a, tum thuhmun a mihring thuhmun, hming chiah inthlak dang lam a ni. Military council hi khaw ram leh thenawm ramten an pawm theih nan military council chuan hriatthiamna leh hmuhthiamna a rawn nei chho ni berin ka hmu a. Chuvangin, General Nyi Win sorkar laia a lo tih tawh ang thovin, tunah pawh an ti ve tihna a ni, sorkar ang tak taka kal an duh vang a ni a, engmah dang lamna chu a awm chuang lovang. Caretaker sorkar anga an awm takah chuan Minister ni chakte pawh an awm ang. Mahse, mihring thuhmun leh tum thuhmun a ni tho tho,” tiin
Kum 1958-ah General Nyi Win chuan ‘Caretaker Government’ a lo din tawh leh, tun dinhmuna a tlukpui lo din a theih loh dan leh Generation Z huna information leh technology hun (age)-ah engmah danlamna a thlen loh tur chu Salai Thetni chuan,“Tuna Generation hi tun hma 88 hun lai ang kha a ni tawh lo. An inbiakpawhna (communication) leh thiamna (technology) lamah an nei famkim tawh lutuk tlat. 88 hun lai chuan chanchin thar kharkhip vek a ni a, tuna Genaration Z angin inbiakpawhna leh thiamna lamah engmah tihtheih a ni lo. Mahse, tuna Generation Z te hmaa, tun hma anga bawka va tihnawn lehna hian engmah danglamna a thlen lovang. Hei hi International pawmpuina duh vanga ti ve lek a ni,” tiin a sawi bawk a.
Sr. General Min Aung Hlai kaihhruai State Administration Council chuan thuneihna lak atanga a 6 tlinna, Ausut ni 1 khan ‘Caretaker Government’ a din a, kum 2023 thleng ro a rel dawn tih a puang zui bawk a ni.
