Thurah (သူရ) chawimawina dawng police deputy sergeant Ziya (ဇေယျာ) chu July ni 3-a KNU brigade 5 hnenah ralthuam famkim nen CDM zawma a luh thu KNU media lamin tlai khawhnuah an puangzar a ni.
Phaphon (ဖာပွန်) khaw base police station atangin သူရ chawimawina lo dawng tawh, police deputy sergeant ဇေယျာ, kum 38 mi chuan V8-63 chi Rifle pakhat, silaimu 114, hand grenade 2, chemte 2 kengin KNU, Mu Kyaw (မူတြော်) district brigade 5 hnenah kalin a inpe a, CDM a zawm nghal thu hriat a ni.
Deputy sergeant police Ziya chu police a nih hmain firfiak sipai pawlah kum 13 chhung sipai panngai nihna chelhin a lo thawk tawh a, Kokan hmuna a awm lai, Kokan camp – point 4527 leh သံခမောက် tlang camp lakna kawngah sipaiin mi huaisen chawimawhna a pe a.
Ani chuan, “Firfiak sipai pawlin mipui thuneihna an pawng lak a. Pawisawi lo mipuite manin an sawisak lai hmuh reng chu ka ti thei tawh lo a ni,” tiin a sawi.
Kum 13 chhung sipaiah a tan hnuah police department lamah sawn a ni. Kum 2018-ah Yangon reigon, Hlawka battalion no. 8 atangin a training chhuak a, Rakhine state, Maungdaw twonship police battalion no. 6-ah a awm a, 2021 August ni 21 atangin Phapun khua security department-ah deputy sergeant hna a chelhin a awm leh a ni.
Ani chuan, “Duh thlanna dik ka siam avangin, engtikah mah ka inchhir ngai lovang. Heta revolution pawlin min welcome tha e mem a. Ka thawhpuite pawh ka hrilh hre duh a ni. Rawn chhuak ru, a theih dan dan kawng zawngin, tal chhuak ru. Engmah hlauh tur a awm lo. Revolution pawlin tha takin an lo dawng sawng ang che u,” tiin a sawi bawk a ni.
