Myanmar ram chhung township 15-a dan leh thupek kengkawhtu pawl Judiciay pawl din fel tawhna township-te chu: Kata Township, KawLinn Township, Kant-Balu twonship, Bann-Mauh township, Chunn-Hlah township, Inn-Daw township, Trhi-Gyaih township, Kani township, Wet-Let twonship, Aya-Daw township, Minn-Mu twonship, Tant-Se township, Khin-Uu township, Tamu township leh Yin-Ma-Pin township te a ni.
National Unity Government (NUG) hi ni kum 2021, April ni 16-a din a ni a, tunah hian sorkarna kum 1 term a hmang pum ve chiah a.
Thuneihna latu military council chu a ni tela an kiam zel avangin, kum 2022 chhungin revolution-a thil thleng tur hlawhtlinna ropoui tak a rawn thlen ngei tur thu Union Minister Man-Winn-Khai-Thann chuan Union parliament a vawi 4-na assembly-a NUG a kum khat tlinna report a pekah a sawi lang a ni.
NUG sorkar chu tun hma zawng aia tangin, hun remchang awmte hmang tangkaiin, harsatna awmte chu mipui nen paltlang zel thei tura a inruahman thu pawh a sawi tel bawk a.
NUG chuan firfiak taka sipai chetna mihring insuatna (genocide) telin war crime te pawh international pawlin hremna an pek theih nan ram chhung leh ram pawna pawl awmte nen thawhhona an nei reng a.
Chu mai bakah, sipai sumdawnna lian tham hrek a nih theih nan, covid invenna leh humanitarian tanpuina hmuh a nih theih nan leh revolution atana mamawh sum hmuh a nih theih nan NUG chuan hma a la reng bawk a.
Mipui lam pawhin revolution chungah rinna nghata tanpuina an pek avangin Spring Lottery te, Bond lehkha hralh bakah sumdawnna taxt pek avangin dollar maktaduai tam tak chu Revolution atana hman theih a ni tawh a.
Chu bakah mipui sum, US-a dah, Reserve pawisa dollar billion (vaibelchhe) khat pawh mipuite tan hman theih tura hmalak reng a nih thu a Union Minister chuan a sawi lang bawk a ni.
