Chin State, Falam khuaah January 18 zana inkahna chungchangah tualchhung ralthuam keng pawl thenkhat ten in rawnna awm lovin an beih thuah an dem nasat hle thu CNO’CNDF ten an sawi.
Falam khawpui, Fartawk Ward-ah January 18 chawhnu 3:30 vel khan School-a inkhuar police-te CNA ten an kap a, police 1 a thi a, mi 4 an hliam.
He inkahnaah hian CNO/CNDF ten eng mah inhnamhnawihna an nei lova, an chetnaah CJDC dan an pal zut niin CNO/CNDF ten January 18 khan an thuchhuahah an tarlang.
Tun anga Falam towmship huam chhunga CNO/CNDF rem tihna leh hriatpuina awm lova an beihnaah an lungawi lo mai bakah a hnuah bei chhunzawm an awm leh chuan na taka an hrem dawn thu CNO ten an thuchhuahah an tarlang.
CNO thupuangtu Salai Cung Ngai chuan “ A tha berah chuan inzah tawn hi a tha a, an beihna hi a sual chuang lo. Nimahse keini leh CNO/CNDF hriattira inrawn tawnin, in kap lovang kan ti dawn chuang lo. CNO/CNDF ten ruahmanna an neih angin keini pawl hnih pawhin hei aia Plan tha zawk a chhuak mai thei a ni” tiin a sawi.
Tun tum an inkah tawnna avangin kum tling lo naupang pawi sawi lo leh mipuite Military council ten an man nual a. Heng mi te hi an chhuah thuai loh chuan nasa takin kan hmachhawn vel dawn a ni tiin CNO/CDNF an hriattir a ni.
CNO/CNDF te hi Falam township velah ram humhalh nana ralthuam nen bei mek pawl te an nih thu hriat an ni bawk.
