Inkahhai puan chhungin military council lamin Rakhine state chhungah sipai lam an dah belh mai bakah tui hnuai lawng thleng, Rakhine tuipuia dah an tum chu ULA/AA lamin indona atana inpuahchhah lawkna pakhat a nih thu AA thupuangtu chuan June ni 14-a press conference a vawi 3 neihnaah a sawi chhuak a.
Rakhine state Chauh-pyu township chhung, သံဇစ် luipui chhungah military council tui hnuai lawng pakhat chu May ni 31-ah khalh a nih thu Chauh-pyu tualchhung miten an mi ngeiin an lo hmu tawh a.
Chu Submarine kalna kawng chu Mya-Dee (မဒေး) thliarkar lam niin, chu thliarkar chhak lamah အုန်းဂျွိန် tia koh thliarkar a awm a, chutah chuan military council-in submarine lawng chawlh theihna a sa mek a, chu lai hmun pana a nih theih thu Chauh-pyu khaw miten an sawi bawk a ni.
Chu bakah Rakhine state chhunga ULA/AA kaihhruai khaw chhung inawpna leh inrelbawlna chu military council lamin an tibuai reng a, indona hmachhawn thei turin hma an la reng bawk niin, AA thupuangtu Khai Tuh Khah chuan a sawi a.
Chuvangin, Rakhine state chhunga pawl pahnih inepna avangin, military council sipaiho awmna hmuna bomb kam a nih thin avangin, bomb puakin mipui, tualchhung mite a tihnat thin thu hriat a ni a.
Tun dinhmunah indona chhuak leh pawh ni se, tun hma aia nasa zawka beihpui thlak tumin sipaiho chu an inpuahchah mek niin AA thupuangtu Khai Tuh Khah chuan a sawi bawk a ni.
