Turkey leh Syria ramri-ah February 5 khan 7.8 zeta na Lir a nghing avangin mi 3400 chuang an thi, Building a chhiat nual thu hriat a ni.
“Mi tam tak biak pawh theih an ni lova, Building chim thawm a ring hle a. Chhanchhuaktu pawl ten an la beih ngawrh hle a, keini pawh kan hliam nual mai” tiin harsatna tawk ve mek Kara Manmara khuaa mi pakhat chuan a sawi.
Turkey ramah hian mi 2316 an boral tawh a, mi 13000 chuang an hliam thu sorkar thuneitu ten an sawi. Building 5600 chuang a chhim a, mi 7800 chuang an chhan chhuak tawh bawk a ni. Syria ramah erawh chuan mi 1444 an thi tawh a, mi 3500 chuang an hliam thu Syria sorkar chuan a sawi.
Zero degree hnuai lam thlenga khaw vawhna hmunah mi a sang tel, zawn chhuah hna tawk ten harsat an tawk nasa hle a. Lirnghing chhuahna hmun Turkey, Kara Manmara khawpuia Building chimin a delh mite an zawn nasat thu Reuter News chuan a tarlang.
He Lirnghing hi khawvar rual atangin a nghing tan a, darkar rei fe hnuah 7.7 zeta chakin a nghing leh a. A vawi 2 nghinnaah Building a chim tan a, chhanchhuaktu pawl te tan pawh a derthawng hle a ni.
