Sagaing Region, Wetlet township-a Khawlal (Administrator) mi 2 te chu Military Council te thu hnuaia an awm duh tawh loh avangin an inhnukdawk a, Township hrang hranga Military Council, Asst. Clerk, Education Officer thenkhat ten CDM-ah an luh nual thu hriat a ni.
Heng inhnudawk ta te hi Paletwa township, Htar Hlain (Khawthar) Adminstrator U Khin Maung Win, Kan Pauh khuaa Administrator U Aung Min te an ni.
Heng baka CDM-a lut ta te chu: Wetlet township-a Primary School-a thawk mek, Sin Nin khua, Middle School-a Headmaster Daw Mya Hnin Wa, Ngyangkan khuaa Basic School Headmaster Daw Khan Mar Win, Phu Win Tat khuaa Middle School-a U Ngyut Thein Oo (Ngut Thein U) leh Township Office Asst. Auditor Daw Thet Mon Naing te an ni.
Hmanni lawk khan Wetlet township huam chhunga Basic School-a zirtirtu te, Kant Ba Lu township, Ywa Tha Ya (Zua Ta Ya) Sub. Middle School leh Basic School leh Middle School zirtirtu mi 7 te chu NUG hnuaia Wetlet township Education Board hriattirin CDM-ah an lut.
Tun dinhmuna Wetlet township-a khaw hrang hrangah hian Administrator mi 80 chuang an hna atangin an inhnukdawk thu hriat a ni.
Wetlet township-ah hian Education zirtirtu mi 1800 zingah mi 1300 chuang CDM-ah an lut tawh a. Kumin zir kumah hian Wetlet township-ah Military Council lamtang mipui sipai anga awm thin Phyusawhti te lalna hmun Khuaah hian School leh Clinic an hawn thu hriat a ni.
Hmanni lawkah pawh khan Sagaing Region huam chhunga Military Council te thununna hnuaia hnathawk reng reng inhnukdawk vek turin PDF pawl ten hriattirna thu an chhuah.
Trending
- Thai-ah Myanmar mi 170 hremte chhuah zalen an ni
- PaLe khawpui Monkyaing khaw bula inbeihnaah Military council sipai 12 an hliam
- KawLin khawpuiah Military council sipaiten tualchhung mi 8 an man hnuah an that
- Khin U khawpuiah Military council-te an chet avangin tualchhung mipui 3000 chuang an tlanchhia
- Chin State-ah Military council-te thunun hnuaia pawl 10 exam pass rin aiin an tha hle
- Military council sipaiten Halkha leh Thantlang inkar Timit phaitual an beihna chungchangah CNF/CNA thupuangtu Salai Thet Ni biangbiakna chhunzawmna
- Bago (Pa Gu), Natthankwin (Nat Ta Kuing) khuaa inbeihnaah Military council sipai ruang 60 chuang rim chhe taka hmuh a ni
- KawLin khawpuiah Military council sipaiten khawlal telin civil mi 9 a huhoin an that