Yangon region, Dagon khaw thar (chhak lam) township, YwataGyi veng, Ywatagyi rel station bulaah naupang leh puitling 50 velin May ni 9, tlai lamah zawrh khap, sausage an ei sual avanga harsatna an tawh thu hriat a ni.
Chung sausage eitute chu Ywatagyiး station bula awmte niin, May ni 9 tlai lam dar 5 vela zawrh sausage kyat 1000 man lek chu leiin an ei a, ei sualin an luak a, ni khaw hre lovin an awm zui hlawm bawk.
Damdawi in lama hruaitu, tlawmngai pawl zinga pakhat chuan, “Sausage ei avangin, puitling leh naupang 50 vel chu an luak a, ni khaw hre lovin an awm a, damdawi in lamah kan dah lut a ni. Chung zinga mi 4 te chu an ngaihtuah awm khawp mai,” tiin Mizzima media a hrilh a.
Chung ei sual neite hmui leh tisa chu dawl dang vekin an luak a, an rui hle tih hriat a ni a. Tun thlengin sausage ei sualte chu Tinganchun Sanpiah damdawi inah leh Yankin naupang damdawi ina enkawl mek an ni.
Chu sausage chu thla khat liam ta vela, zawrh chhuah leh ei lo tura khap zinga mi Luhchin (ice sausage) trade mark nei a ni a. February thla pawhin Shan state Tibaw township leh Kayin state Three pagodas township lamah sausage eisual an awm thu hriat a lo ni tawh bawk.
Myanmar ram chhung Foods and Drugs Administration Department chuan February ni 9 khan chu trage mark telna ang chi ei turte lei a, ei lo tur leh a zuarte hrem an nih tur thu thuchhuah a lo siam tawh a ni.