Yangon region, Finance Minister ni thin U Ye Min Oo chu Naypyidaw military council court-in June ni 20-ah eiruk thubuai 5 atan, thubuai pakhat zelah kum 3 anga chhutin kum 15 tangin tura a chung thu rel a ni.
U Ye Min Ooo chu Naypidaw council deputy Mayor leh Naypidaw Municipal Bank chairman nihna chelh kawp a ni a.
Naypyidaw Municipal Bank atanga pawisa puk leh thil dang, Tendar chungchangah a thuneihna hmang suala puhin U Ye Min Oo chu military council-in eiruk thubuai 5 hmangin August ni 5-ah a khing a ni.
Court-a awm pakhat chuan, “Ko Ye Min Oo chu eiruk thubuai 5 awrhtir a ni a, thubuai pakhat zelah kum 3 niin, kum 15 tang tura a chung thu rel fel a ni. Naypyidaw lamah thu an zawt fiah a. Chu chu Nyapyidaw Municipal Bank Chairman a nihna anga bank atanga pawisa puk chungchang a ni a. Chu mi atan chuan case khatah kum 3, a vaiin kum 15 tang turin an ti ta a ni,” tiin a sawi.
U Ye Min Oo chu kum 2020 March ni 3-ah Project Finance Minister atan Yangon regonal parliament-in a ruat a, a hmaa chu nihna chelh boral ta U Myint Taung ai awha mawhphurhna pek a ni a. Kum 2021 February ni 1-a sipaiin thuneihna an lak hnu lawka man tawk zingah U Yin Min Oo pawh telin nasa taka nghaisak a nih thu pawh hriat a ni.
