Yangon University, Hlaing khawpui huam chhung-ah February 6-a Min Aung Hlaing-an Nuclears center hawn a tum thu-ah Yangon Khit Thit Media atangin thu a put chhuak a. Drone leh ralthuam lianin an bomb dawn nia ngaiin Military council sipai ten an veng uluk hle tih thu Military council News chuan a tarlang.
“Khit Thit Media atangin Hlaing huam chhunga Nuclear center hmun hawn tur thu, a leak-out avangin Drone leh ralthuam bakah sniper hmangin kan inveng nasa a. Russia atangin Nuclear coporation Director General a kal dawn avangin thil pawi tham a thlen loh nan kan veng uluk a ni. Rinhlelh chu kah an ni ang a, a hawnna hmun chhehvel kawng pawh khar a ni ang” tiin Military News chuan a tarlang.
Hlaing khawpui chhehvela Building leh University, duty-na hmun zawng zawngah Sniper leh ralthuam an kam sa vek a. A chhehvela awm te hming list la vekin mikhual nei lo turin Director an dah thu hriat a ni.
February 6 tuka an hawn tum Russia Myanmar Nuclear center fuction-ah Russia sorkar Nuclear coporation ROSATOM Director General Mr Aleksia Likhachev a tel dawn a, February 5 khan Private Jet Fighter-in Yangon airport-ah a thleng tawh a, an hawn tawh hnu, chawhnuah Russi-ah a kir leh dawn thu hriat a ni.
Kum 2022 November 18 khan Yangon khawpuiah Nuclear Technology Information Center din turin Russia, Nuclear coporation ROSATOM leh Science and Technology Ministry te nen thawh duna thuthlung an ziah tawh hnu, thla 3 hnuah hawng turin an rawn kal thu hriat a ni.
Kum 2022 November 22 khan Myanmar tan Nuclear tha hmang Hydroelectric power station din turin Russia leh Myanmar te remtihna thuthlung an ziak tawh bawk a ni.
