Khawchhunga chenna in hal haw Military council-te an beihnaah Military council sipai 30 chuang an kap hlum a, an ruk sa ralthuam tam tak an laksak nual thu Bago PDF ten an thuchhuahah an tarlang.
Bago region, Taungoo (Tong Ngu) distirct PDF Battalion 3501, company 4,6 tangrual ten February 16 zing dar 9:00 atangin chawhnu 1:00 vel thleng khan Military council te, Yadashe township Ya Yit Kon khua ten Pain Ti La khaw tlak lam , Sit Taung tuipui kamah an kap a, Military council 30 chuang an thih thu Bago PDF ten an sawi.
Ralthuam an laksak te hi MA3 pali, MA11 pahnih, MA2 pakhat, silaimu bawm 18, silaimu tlawn 520, 60 MM bomb 2 leh ration tam tak an laksak thu Bago PDF ten an sawi.
Heng bakah hian Military council sipai ten an ruk; zungbun 1, rangkachak thi 1, ngun 2 leh phone 3 an laksak bawk a ni.
Heng an laksak zungbun 1, rangkachak thi 1, ngun 2 leh phone 3 te hi a neitute hnenah pek leh an tum thu Bago PDF ten an sawi bawk.
February 7,8,12,14 pawh khan Taungoo (Tong Ngu) distirct PDF Battalion 3501, company 4,6 tangrual te leh Military council sipai te an inkap nasa hle a, Military council sipai thi leh hliam an awm nual a, a zat chiah hriat a nih loh chu Bago PDF ten an sawi.
Military council sipaite thi leh hliam an tam hle a, an lungawi loh avangin ralthuam lian leh te an tawngpawng kah chiam a, tualchhung mi pawi sawi lo mi 2 an boral a, mi 2 an hliam bakah khawchhung chenna in leh leidawh an hal chhiat nual thu Bago PDF ten an thuchhuahah an tarlang.
He inbeihnaah hian PDF thi leh hliam an awm lova, khawchhung an la thunun thei zel bakah raltlante chhawmdawl zel a nih theih nan NUG te nen an la indawr zel mek thu Bago PDF ten an sawi a ni.
