“Zoram Khawvel dintu Pu L. Keivom kan chan ta”
Zofate insuihkhawmna leh hnam khat anga kan dinchhuahna tur atana theihtawp chhuah ţhin, thu leh hla hmanga “Zoram Khawvel” dintu, Zofate Arsi Lian, IFS Officer chhuanawm, khawvel hnam dangte hriata Zofate pho langtu, Pu L. Keivom (Lalthlamuong Leivom)-in he khawvel a khualzinna ram chhuahsana Chatuan ram min pansan ta mai hi Zofa Global Network (ZGN) chuan a sûnin a ui tak zet a. Zofate (Chin-Kuki-Mizo-Zomi) tan channa nasa tak a ni. ZGN-in 22nd – 24th November 2014-a Zokhawthar leh Rihdil (Indo-Myanmar Border)-a khawvel huap Zofate Khawmpuilian “Zofa Global Unity Festival” kan huaihawt ţum khan Zofate insuihkhawmna atana a thawhhlawk em avangin Pu L. Keivom hi “Zofa Global Award” kan lo hlan tawh a. A phû tâwk chawimawina kan la pe zo lo hle-in kan hria.Zofate thinlungah Pu L. Keivom hming hi a dài leh tawh ngai lo ang. A thlarau thlamuang takin chawl se, a kalsan tâk a chhungte Pathian-in thlamuanin awmpui mawlh rawh se tih hi kan ţawngţaina a ni.
Sd/-
(JAMES RAMDINMAWIA)
General Secretary
