Myanmar ram chhungah Military council te chatna avangin kumin July thleng khan tualchhung mipui maktaduai 1.9 vel an raltlan tawh thu NUOCHA chuan August 10 khan an thuchhuahah a tar lang a.
Heng raltlan te leh mi mangang mi maktaduai 1.6 vel te hi Military council-ten kum 2021 February atanga thuneihna an lak vanga tlan chhuak te an nih thu UNOCHA-ten an sawi a. Tun dinhmunah hian raltlanten ruah a sur nasat avangin tuilian an tuar nasa hle a, hmun him lama inthiar chhuak an tam avangin kawng hrang hranga tanpui an ngaih thu an thuchhuahah an tar lang bawk a ni.
A bik takin Myanmar nort-west, south-east, Kachin leh Rakhine State-ah an tam zual a. Sagaing region Tamu township-ah pawh July chawhnu lama inkahna avangin tualchhung mipui 10000 chuang vel an tlanchhia a, chenna in an tihchhiat nual thu UNOCHA-ten an sawi bawk a ni.
Tuilian avangin Mon State, Karen State, Tanintari region leh Rakhine State-a mipui te chhawmdawl an ngaih hle thu an sawi tel bawk a ni.
