Sagaing region, Kalaymyo, Sekan khaw bula Clinic atanga hawn te nufa chu Military council sipaiten an kah hlum hnuah an ruang an hal thu tualchhung mipuiten Yangon Khit Thit media an hrilh a.
August 12 khan Sekan khaw bul, ChunChhawng khua Clinic atanga haw lam nufa te chu Military council sipaiten an kah hlum hnuah an Bike nen an hal thu hriat a ni a.
Military council sipaiten an kah hlum hnua an hal tak nufa te hi kum 50 mi Pi Hoi Iang leh kum 30 mi Tv. Samuel-a te an ni a.
“Clinic atanga an haw lam Sekan khaw chhehvelah, Military council sipaite an duty avanga an helna lamah Military council sipaiten an kap a, an kah zinga mi 2 te chu an khup leh an lu-ah an kap fuh a, mi dang nufa 2 te erawh chu an kah hlum hnuah an hal hlum” tiin tualchhung mi pakhat chuan a sawi a ni.
Military council sipaiten Sekan khua an chhuahsan dawn hian a chhehvelah bomb an kam thluah a, revolution pawlten an sut nghal nual a. Military council sipaiten Sekan khawchhunga chenna in thenkhat an rawk nual bakah lirthei leh hmarua ram tak an hal chhiat nual thu tualchhung mi te hnen atanga hriat a ni bawk.
