Sagaing, Kalaymyo atanga ni tlakna lam Sekan khuaah August 10, zing dar 7-10 thleng khan Military council sipaite leh tualchhung PDF te an inkah thu hriat a ni a.
Military council sipaite hi August 10, zan khan Myohla Ward-ah an riak a, hemi nia Military council sipaiten tualchhuang mi pakhat an kah hlum pawh, silai ri avangin a vuina hunserh pawh zalen taka hman a nih loh thu hriat a ni.
Tualchhung mi pakhat chuan “Vuina program-ah zing dar 9 tia ruat sa a ni a, boruak a that loh avangin zing dar 7-ah vuina hun hman a ni a, program zawh hmain silai ri kan hriat leh avangin kan tlan haw nual” tiin a sawi a ni.
Heng avang hian Myohla khaw chhehvela mi te chu khaw thenkhatah an tlanchhe nual a. August 10 hian Military council sipaiten Myohla khawchhung sa zawrhna hmuhah Vawksa te chhumin an ei hlawm a, dawr thenkhat an rawk nual bakah phone te an laksak a. Myohla tualchhung tam zawk te chu khaw thenkhatah an tlanchhiat nual thu hriat a ni bawk.
Sekan khua, Military council sipai 30 rualten an beihnaah hian Biak in chung rangva a chhe nual a, tualchhung mipui thi leh hliam an awm rih lova, Military council sipai 4 leh Phyusawhti siapi 7 an thi a, Military council sipaiten Myohla leh Sekan khaw inkar lungherkhawl an hal avangin tualchhung mi pakhat a hliam thu hriat a ni bawk.
