Benetton Company-in Myanmar Ram Chhunga A Puan Thui Hna A Titawp

0
Italy company Benetton chuan Myanmar ram chhunga a puan thui hna a titawp tih Zirtawpni khan a puang. Benetton hi sport thawmhnaw lam khawihtu company a ni.
Sweden puan thui company H & M-n Thawhtanni khan hetiang deuh hian puan thui hna a tihtawp thu a puang a, chu mi hnu rei loteah Benetton hian a puang zui ve a ni.
Benetton chuan Myanmar-a thil thleng hi kan hlauthawng hle a ni” tiin a thupuanah a sawi tel a. Tun lai thil thlengah hian security lama thil thleng tam tak a awm a, mihring chanvo leh zalenna palzutnate a awm avangin Myanmar atanga puan thuisa chah hi titawp rih turin thutlukna kan siam ta a ni, a ti.
Myanmar-ah sipaiin thuneihna an lak hma kha chuan ram dang atangin thawmhnaw lam buaipuitu company lian tam takin Myanmar hi puan an rawn thuitir a, order an rawn neih tam avangin Myanmar-a puan thui hna pawh a thang chak khawp mai.
Khawvel huap pawha company lian GAP, H&M, Primark leh Adidas ang chiten Myanmar-a puan thuina hmunah an puan an rawn thuitir chur chur hlawm a, hmun dang atangin Myanmar-ah an rawn insawn nasa a ni.
Pheikhawk leh bag khai chite pawh ram chhungah siam chhuah a nih avangin puan thui lam hna hi ram chhung sum thawh chhuaha 3% lai a tling pha hman a ni.
Credit: VOA Burmese.
Share.

Leave A Reply

Exit mobile version