Kayah State, Demoso township chhuah lam zarah Military council sipai te leh KNDF tangrual te an inbeihnaah thi leh hliam an awm ve ve thu inbeihnaa tel te zing atanga hriat a ni a.
April 4,5 khan Demoso township chhuah lam, Ta Ni La Le khaw kiangah Military council sipai ten chung lam Thlawhna hmangin vawi 6 zet an bomb thu KNDF ten April 8 khan an thuchhuahah an tarlang a ni.
Kayin Ni Military Press Group Spoke person Khu Nye Yee chuan Demoso khaw chhuah lamah Military council sipaite nen ni tin an inkah thu a sawi bawk a ni.
“Boruak lian tham vek lovin ni tin an inkap thin a. Rawlrala che pawl ten operation an rawn neih tumin bomb kam hmangin an bei thin a. An thinrim sosangin hmar lam zarah an pan hret hret a, a hnuah chuanchung atangin chuanhnuai lamah an pan leh a ni”
Nwetaung (Ngui Tong) base-a Military council sipai Khah Lah Yah (LIB) 102 Battaion leh Loikaw township base Battalion atangin Demoso township chhuah lama inbeihnaah ralthuam lian an chelek nasat thu KNDF ten an sawi a ni.
He inbeihnaah hian Military council sipai 10 an thi a, KNDF sipai lamah pakhat a boral thu KNDF ten an thuchhuahah an tarlang a ni.
An inkahna boruakah thi leh hliam zat RFA Media ten nemnghehna an la neih rih lo a.
Hemi chungchangah Kayah State-a Military council sipai thupuangtu U Aung Win Oo RFA Media ten an phone-naah chhanna an la awm rih lo bawk.
Military council sipai ten Demoso township chhuah lam zar March 9 atanga an beihna hi thla khat chhung a ni tawh a. He inkahna avang hian raltlan mi 10000 chuang ten hmun him lam an pan tawh thu hriat a ni bawk.
