Sagaing region, Khin U township, YwaLiYwa (Zua Li Zua)-ah June 9 tuk khan Military council sipaite an chet nasat avangin tualchhung mipui 3000 chuang hmun him lamah an in thliarfihlim thu tualchhung miten an sawi a.
Military council sipaiten Khin U township Tanbo khua chhim lam an thleng hmasa a, Tanbo khua leh YeAye khua an luh chilh avangin khaw 4-a tualchhung mipui 3000 chuang an tlanchhiat chu tlawmngai pawl zinga hming thup pakhat chuan June 9 tuk khan RFA Media a hrilh a.
“June 9 tuk khan Military council sipaiten YeAyeKone khuaah ralthuam lianin an luh chilh a, an thawm a ring khawp mai” tiin a sawi a.
Tualchhung mipuiten fur ruahpui sur lai a nih avangin diak karah tlanchhiat an harsat thu an sawi zui bawk a ni.
He buaina chungchangah Sagaing region, Military council thupuangtu, RFA-in a phone-naah chhanna an la awm hrilh lo.
June 9, zing dar 11 thleng khan Military council sipaiten YeAyeKone khua an luh chilhnaah chenna in an hal loh thu tualchhung mipuiten an sawi a.
Military council sipaiten Sagaing region Khin U township-ah June 1 atangin June 4 thleng KanThit khua, June 2 khan Kyi Iang khua leh June 1 khan YwaThitYwa khuaah chenna in an hal thu tualchhung mipuiten an sawi a ni.
