India, Mizoram State-a tualthahna chungchang an chhuinaah Myanmar atanga raltlan mipa pakhat thu Mizoram police-ten an man thu hriat a ni a.
Mizoram State, Muallungthu khuaa kum 41 mi Lallawmsanga chu July chawhma vel atang khan a awmna chin hriat lohva a bo hnuah August 3 khan ramhnuaiah a ruang hmuh a ni a.
He thihna chungchangah hian Aizawl, Kulikawn-a police-ten an chhuinaah Tuirivung khuaa, huan nghaka hnathawk Myanmar atanga raltlan Thanga chu tualthahna chungchangah inhnamhnawih nia ringhlelin an man thu chanchinbu-ah tar lan a ni a.
Myanmar atanga raltlan Thanga hi Cherhlun Refugee Camp-ah a awm a, mi huan nghak hlawha hnathawk thin a ni a, July 9 zan khan Lallawmsanga Thlama a lennaah tawngkam inbat sual avangin a reh hlum thu police hma a sawi chu chanchinbu-ah tar lan a ni.
