Sagaing region, Pale township, MonKyaing khaw bula inbeihnaah Military council sipai 12 an hliam thu KyaThit Battalion commander Ko OhKa chuan Yangon Khit Thit Media a hrilh a.
June 9, zing dar 9 vel khan Yinmapin township chhehvela Military council sipai 170 rualten operation an neihnaah PDF tangrual pawlten ralthuam lianin an lo hmachhawn a, Military council sipai 12 an hliam thu hriat a ni a.
“An rawn kalna tur kan hriat lawksa avangin Rocket hmangin vawi 2 kan bei a, thi leh hliam zat chiah kan hre rih lo. Military council sipai 2 te erawh hlangin an zawn lai kan hmu” tiin KyaThit Battalion commander Ko OhKa chuan a sawi a.
Military council sipaite PaLe khawpui an thlen hian hliam 12 zingah mi 2 an nasa hle a, mi 10 hliam te chu an ziaawm thu hriat a ni bawk.
“Hliam zual mi 2 te chu Pale township Hall-ah enkawl mek an ni a, mi dang hliam te chu Pale civil hospital an phur lut a. Mi dang Military council sipaite chu Ah Thah Kah High School-ah buk an khuar mek” tiin tualchhung mi pakhat chuan a sawi bawk a ni.
