Sokarna An Lak Atanga, Kumin June Thla Thleng, Tamu-ah Mi 19 Aia Tlem Lo Thah An Ni

0

Military Council ten sorkarna an lak atanga kumin 2022 June thla thleng khan Indo-Myanmar, Sagaing Region, Tamu township-ah tualchhung mi 19 aia tlem lo thah an ni a, mi 6 aia tlem lo an man. Chenna in 19 aia tlem lo an hal chhiat thu Ku-ki Zirlai insuihkhawm Pawl ten an sawi.

“Keini Kuki Zirlai pawl ten kan record dan a ni. Hei ai hian a hmunah an tam zawk mai thei. Inkahna tum 50 chuangah Military Council lam mi 50 chuang an thi a, tualchhung mi 6, an boral” tiin Kuki zirlai insuihkhawm pawla thu neitu pakhat chuan a sawi.

Yanlin Phain khuaa tualchhung mi pakhat chuan “Kan khuaah chenna in, chhan nei lovin an hal. In 4 an hal chhia a, kan khaw kiangah inkahna a thleng bawk a, khua an hal” tiin a sawi.

Tunlai tak hian Military Council ten Tamu khawpuiah an che nasa hle a, tualchhung mi te manin an sawisa a, chenna in an hal chhe nual.

Military Council ten Tamu khawpuiah Internet an off vek a, chanchin hriat theih lovin thla 5 vel an awm tawh.

Tamu khawpuiah Military Council te an chet natsat avangin tualchhung mipui te, hmun him zawkah tlanchhia an awm nual a, ei leh in leh silh fen lam an harsa hle.

Share.

Leave A Reply

Exit mobile version