Sagaing region, Swebo township, Pauk Chaing khaw haltu Military council sipaite PDF ten an kah rawn a, Military council sipai 25 an thih thu Bo Chia Yaing Swebo (LPDF) pawl thuneitu pakhat chuan Yangon Khit Thit Media a hrilh.
February 21 khan Military council sipai 70 rual ten Pauk Chaing khuaa operation an neih laiin PDF ten bomb 20 kam hmangin leh 60 MM bakah Drone hmangin an beihnaah Military council sipai 25 an thi a, mi 18 an hliam thu hriat a ni.
He inkahnaa Military council sipaite ruang te hi Pauk Chaing khawchhunga In velah an hal a. Military council sipai hliam 18 an man a, Pauk Chiang khaw kianga awm, Te Ti Phyusawhti 49 ten an luhchilh thu hriat a ni.
“February 12,13 khan Military council sipaite kawng tluanin an kap a. February 21-ah Pauk Chaing khua an hal laiin PDF ten an kap a, Military council sipai 25 an thi a, an ruang hi In chhehvelah an hal a, tunah Te Ti phyusawhti pawl te khawchhungah an la awm mek” tiin Bo Kya Yaing Swebo (LPDF) pawla thuneitu pakhat chuan a sawi.
He inkahnaah hian Bo Kya Yaing LPDF,Bo Japan Gyi t.t.t Swebo-LPDF, C&T SHWEBO LPDF, Bo Kya Pian-Swebo (LPDF), Taung Tu Gyi pawl LDF, Mah Ta Thong Dapeyin, SNAKE EYES PDF, Swebo circuit 2 unau tangrual pawl, Watlet unau tangrual pawl, Dapeyin unau tangrual pawl ten an beih rawn thu Bo Kya Yaing Swe(LPDF) pawla thuneitu pakhat chuan a sawi.
