Chin State, Thantlang khuaah February 16-a inkahnaah CDF-Thantlang sipai 2 an boral thu hriat a ni.
February 16 zing lam khan Thantlang khuaa TBC Biak in, hungchhunga Military council sipai buk khuar te CNA leh CDF-Thantlang Battalion tangdun ten an kah rawn a. CDF-Thantlang sipai Salai Van Tha Bik leh Salai Moses Van Bawi Hup te ram tan an nunna an hlan thu CDF te leh an hnaivai mi te hnen atanga hriat a ni.
Thantlang khuaah February thla tir atang khan Military council sipaite leh CDF te an inkap fo thin a. Military council sipaite buk khuarna police station leh Administration office, CDF ten an laksak tawh a ni.
Military council sipai ten Thantlang khua thunun an tum avangin Military council sipaite puitu ten sipai motor-in ralthuam lian leh chung lam atangin an beih fo thu hriat a ni bawk.
