ASEAN Chairman-in Pi Suu Kyii awmna sawn leh tura a dilna chu Military council-in a hnawl a, Pi Suu Kyii chu court lamah a inlan

0

Myanmar democracy atana mi pawimawh Daw Aung San Suu Kyi, mipui hruaitu chu a chenna in hmasaa sawn leh turin ASEAN Chairman Camdodia Deputy Prime Minister leh Foreing Minister, Myanmar ram tana ASEAN special Envoy-in military council hnenah lehkha thawna a ngen thu hriat a ni.

ASEAN Chairman Cambodia Deputy Prime Minister, Foreign Minister leh ASEAn special envoy ni bawk Park Sokhonn chuan Pi Suu Kyi chu ram chhung leh ram pawn hriatpuia Myanmar democracy atana hruaitu pawimawh, Myanmar remna atana sulsutu nib awk chu lung ina dah aiin a chen lailawkna hmuna dah kir leh turin military council hnenah lehkha a thawn a.

A hriselna, khawsak remchan zawkna, dan leh thupek kenkawhna kawng atan Pi Suu Kyii chu a chenna in lama dah tur leh tuna harsatna awm chu kawng khat chauha chinfel tum lova, military council chuan mi zawng zawng tel theihna, inbiakna tan nghal turin ASEAN special envoy chuan a phut bawk a.

Mahse, Military council thupuangtu Zaw Min Thun chuan, “Myanmar ram chu Sovereignty (thuneihna pumhlum) nei sorkar a ni a. Rorelna lamah pawh keini chuan court hawngin hma kan la a. Kan hremna pekte leh thubuaite chu eirukna lam kaihhnawih thil sual tihte a ni a. Chung atan kaihhruaina pela thil tih a awm lo. Keini chuan tun hma chuan state counselor Daw Aung San Suu Kyi tan a chenna, ei tur leh in tur thlengin a hrana ruahmansak bik a ni a. Ram chhung dan pela thil tih kan nei lo. He mi chungchanga ka sawi duh chu dan chungah tumah an leng lo tih hi a ni,” tiin a sawi.

Chutih laiin, Pi Suu Kyi Naypyidaw special court-ah helicopter lei chungchang thubuaiah koh niin, a rualin president U Win Myint, Dr. Win Myat Aye te pawh June ni 27-a an inlan thu hriat a ni a.

Court-ah chuan helicopter lei chungchanga corruption case section 46 zulzuiin Social Welfare Relief and Resettlement Deputy Minister U Soe Aung chu thuzawh fiah a nih thu hriat a ni.

Kum 2021-a mipuite chhiat tawhna (natural disaster) kawng hrang hranga hman theih tura lei, helicopter pakhat, hman theih hun chhung, maintenance chungchangah state counselor chu military council-in anticorruption law section 55 hmangin thubuai an siamsak a.

Court hmasa zawkah a khingtu lamin helicopter leina nena inkungkaih sorkar leh company inkara inremna (agreement) ziahna lehkhate chu court lamah an lo pe lut a. Court tan hmain ukilte chu an inhmu khawm a, state counselor leh president U Win Myint-te hriselna a that thu an sawi hriat a ni.

Share.

Leave A Reply

Exit mobile version