Myanmar hi khawvel ram hrang hrang zalenna ram tehna 100 zingah 9-naa a tlak hniam avangin zalenna awm lohna ram tiin US-a innghat, Freedom House, human right pawl lian ten kumin 2023, Freedom around the world report-ah an tarlang a, nikum khan Myanmar hi 100 zingah 12-naah an tarlan a ni.
Myanmar-ah Democracy kawl a en tan dawn hnaih, kum 2021 February thla khan Military council ten thuneihna an lak hnu hian revolution beitute leh chanchinbu mi te manin an sawisa a. Vawiin thlengin Military council dotu nia an rin te an man a, an la thah zel thu an report-naah an tarlang bawk a ni.
Internet zalen taka hmanna tehna 100 zingah 12-na a nih avangin zalen lo zingah a tel a, nikumah khan 17-na a ni a, zalen lo zinga a awm a ni.
Myanamar-ah Military council sipai ten thuneihna an lak hnu hian Military council eptu CDM-a lut te leh ralthuam keng pawl te bakah kawng hrang hranga hmachhawntute an chhuak nual a. Military council ten kum 2021 kum tir atang khan rampumah internet hman dan an thunun a. Wedsite hmangtute pawh Military council sorkar phal chin wedsite 1200 bak en an phal lova, Mobile phone hmangtute pawh phone company-ah Military council ten an check thin thu an tarlang bawk a ni.
Myanmar hi khawvel ram hrang hrang zalenna tehnaah a tlak hniamna kum 17 a ni tawh thu an report-naah an tarlang a. An tlak hniamna ber chu chanchinbu mi te an khap vang leh vau avangin ram 157-ah a hluar ber pawl a ni. Myanmar-ah Military council sipai thuneihna an lak hi a dem hle a, tualchhung mipui te an la that zel a ni tiin report ziaktu Yana Gorokhovskaia chuan a sawi a ni.
