India, Manipur State, Churachanpur District New Lamka, Vaal Ward-ah Myanmar mi puan tah mi 10, Manipur police ten February 5 khan an man thu hriat a ni.
“February 5 zan khan Manipur police ten puan tah mi 10 an man a. Tunah rih chuan In-ah awm ngam lovin ramhnuaiah an biru a ni” tiin Manipur khuaa puan tah mi pakhat chuan a sawi.
Tuna an man te hi Sagaing reion, Mon Ywa (Mung Zua) township chhehvel te an ni a. Myanmar ramchhung buaina avangin Manipur State-ah tlanchhia, puan taha in hlawhfa te an nih thu hriat a ni.
Manipur State, New Lamka towmship-ah hian Myanmar mi puan tah mi za chuang lai an awm a, hmanni pawh khan Manipur State sorkar ten an man tawh a. Tunah pawh hian Manipur State Jail-ah Myanmar mi puan tah mi 100 chuang vel an awm thu hriat a ni.
Manipur State sorkar hian January 27 khan Moreh township Lan Chan khua leh New Sel Bon khuaa Myanmar raltlan mi 80 chuang an man tawh bawk a ni.
Manipur State Prime Minister N. Biren Singh chuan an socia media-ah Myanmar mi 10, dan lova an man chungchangah a mantu te, dan angin hrem an ni ang tiin an an tarlang a. Heng bakah hian dan lova hnathawktu hmuh an nih chuan thuneitute hnenah hriattir an ni ang tiin an tarlang bawk a ni.
