Shan State hmar lam China leh Myanmar ramri, MuSe mel 105 khuaa sumdawnna hmunpui North east gate-a company ten China-a tawlh tur Car 400 chuang an dan chah thu, ramri-a thei leh thlairah tawlhtu te leh driver te hnen atanga hriat a ni.
“Hmanni lawk khan China ramri Cin San Coh leh Wan Tain check gate luhnaah Car lut chhuak a tlem tawh hle a. Myanmar-China ramri, China lam Wan Tain khaw lamah Tax chungchangah an tihdamlam avangin ni tin Car te chi 20/30 vel chauh China-in an lei tawh” tiin Theirah tawlh lut thin kharchhawng sumdawng mi pakhat hnen atanga hriat a ni.
Tun hma kha chuan 1.0 kalhmangin an tawlh lut thin a, tunah chuan 2.0 kalhmanga an tawlh luh avangin harsatna an tawh thu a sawi zui bawk.
“Lehlam ralah computer system an hman avangin an rei thei hle a. Tun hmain ni khatah Car 70 vel China lamah an tawlh lut thin a, tunah erawh chuan 30 vel chauh an tawlh luh tawh a, Heng avang hian mel 105-ah, car a za tel a tangkhang nual angin Cin San Coh huam chhungah pawh a tangkhang nual” tiin Driver pakhat chuan a sawi.
Tun hmaa Car pakhatah Nuai 50/60 vela lei ni thin kha, tunah chuan Nuai 100/150 lei a ni tawh a. Car man a san tak avangin a theih hram chuan ram pahnih sorkar (G to G) inbe rem thei se tiin Theihrah hmanga sumdawngtu ten an sawi bawk a ni.
