India ram Mizoram state-a raltlan Myanmar mi zaa 99 chuangte hnenah Refugee ID card pek tawh a nih thu hriat a ni.
Mizoram sate Home Ministry pawl nena din High-Level Committee on Myanmar refugee’s pawlin kumin June ni 4 thlenga a chhinchhiah danin Mizoram state chhunga Myanmar raltlan mi 29964 awm zingah 29751 te hnenah ID card pek ni tawhin, zaa 99.28 pek chhuak a nih tawh thu The Aizawl Post chhanchinbuin a tarlang a.
Myanmar ramah February ni 1 atangin sipaiin thuneihna an la a, ram pumah sipai thuneihna duh lohna leh dodalna lanintir a nih avangin, sipai lamin tharum hmanga a hnawh darh mai bakah thah leh manna lam hawia hma a lak avangin, Chin state-a awm mipui tam tak chu Mizoram state lamah an tlan lut a ni.
Mizoram state-a raltlan awmzat mumal taka hriat a nih theih nan Mizoram sorkar chuan state level, district level leh village lelvel-ah committee dinin 2022 February thla atangin raltlante chu ID a siamsak tan a.
High-Level Committee on Myanmar refugee’s pawl chhinchhiah danin tunah Mizoram state chhunga district 6-ah raltlan awmna Relief Camp 140 awmin, raltlan mipui 11833 an awm a, raltlan camp ni lo, hmun danga awmte chu 18131 vel an nih thu hriat a ni.
