Thai-a Myanmar mi hnathawk work permit hun tiam zo tawh te May thla thleng awm phalna an pawh seisak thu Thai-Myanmar Ambassy chuan February 14 khan a hrittir a ni.
“Hetah hnathawk PJ visa nei te February 13 atangin work permit hun tiam zo tawh te May 15 thleng an document nen an siam thar leh tur an ni” tiin Thai-Myanmar-a hnathawk buaipuitu Ko Zaw Way Yan chuan a sawi.
Heng an renew lehna turah hian nakkum 2024 February tleng phalsak a nih loh pawhin kum 2025 February thla thleng an phalsak dawn thu Ambassy atanga hriat a ni.
Kumin 2023-a work permit hun tiam zo, PJ visa nei te hian Bangkok khawpui Myanmar Ambassy, Chaing Mai consulate office-ah an siamsak dawn thu hriat a ni.
Hetia work permit hun tiam zo tawh an siamsakna turah February 7 khan Thai sorkar leh Bangkok khawpuia Myanmar migrant worker te sawihona atanga thu chhuak a nih thu Ambassy hnen atanga hriat a ni.
