Khawvela chanchinbu lar tak TIME chanchinbuah “The 100 Most Influential People of 2023” an tih khawvela milar 100 an thlan chhuah zingah Myanmat Military council puipa ber Sr. General Min Aung Hlaing-a tarlan a ni a. US President Joe Binden leh Japan Prime Minister list hnuaiah an dah thu April 13 khan an tarlang a ni.
Min Aung Hlaing hian thuneihna an lak hnu atangin khaw hrang hranga tualchhung mipuite Thlawhna hmangin leh tharumthawhna hmangin a sing tel a thah bakah in leh lo tlansan tam tak an awm tawh tiin a tarlang a.
Thuneihna an lak hma atangin UN chuan Min Aung Hlaing hian “Mihring suatna tur a ruahman thu leh Rohingya Muslim a huhova a suat” tia a puh thu TIME chanchinbu chuan a tarlang a ni.
General Min Aung Hlaing-an thuneihna an lak avangin Myanmar hi hnawl a duh thu TIME chanchinbu chuan an ziak a. Heng bakah hian Economist Intelligence Unit’s Unit (EIU) an tih 2022 Democracy chungchangah pawh an tarlan thu an sawi a ni.
Myanmar Military council ten thuneihna an lak hnuah Taliban awpna Afghanistan tih lohah dinhmun chhe berah a awm thu TIME chanchinbu chuan a tarlang a ni.
